about us banner

星夢郵輪の世界夢號2夜Seacation

上年2019年12月,小女子有幸地被派上世界夢號參加3日2夜既海上之旅,對於第一次搭郵輪既我,呢個體驗真係好新奇。我計過條數,如果去澳門玩3日,4個人既船費、酒店、吃喝玩樂、按摩服務等洗費閒閒地都過萬,對比起咩都有既郵輪,我係客都識簡世界夢號啦 ! 星夢郵輪 - 世界夢號既賣點為排水量 150,695 噸,客房多逹1686間,載客量為3,376人,擁有 19 層甲板——絕對堪稱海上巨無霸。唔洗坐飛機、唔洗坐長途車,星期五晚放工去上船、星期日落船,舒舒服服係海上樂園渡過2夜。

Venus C.
2020-Oct-23 11:10

登船地點係啟德郵輪碼頭,係九龍灣德福廣場有86號小巴直逹,相當方便。由於車站好多人,所以記得早D出門口啊! (搭的士都係唔錯既選擇) Van86

大約6:30pm到逹郵輪碼頭,登船手續簡便,只需帶備香港身份證、而11歲以下既小童就要帶Passport及香港身份證、以作出入境之用。自助櫃位或一般櫃枱登記後,我地就成功拎到電子房咭(船咭),然後係大堂準備上船。經過入境處出境手續&行李檢查後, 大約7:15pm 左右開始登船,單係碼頭玻璃窗望到隻船已經超興奮,好想快D上船玩! To Ship

Dream Cruise

比大家睇睇我果張電子船咭啦,每人都有一張,好緊要架,係房咭、又係信用咭(買野)、仲係上落船身份証等,記得好好保管隨身帶住啊 ! 6465

搭郵輪最好揀有露台既房,因為可以隨時出露台睇靚靚海景吹海風~ 今次我地4個人就book左兩間雙人露台房,一入房門就超興奮跳上床啦~ 房間有齊基本設備如熱水煲, 樽裝水, 茶, 毛巾, 拖鞋, 風筒...而浴室內亦都放左個人護理用品如洗頭水, 護髮素, 沐浴露, 牙刷...每日工作人員都會幫忙re-fill 護理用品架。而放係床上既船上活動表亦記錄左呢幾日既schedule,所以上到船真係要好好計劃時間點分配好。 Balcony

Shampoo-COLLAGE

放底行李後,我地就準備去免費自助餐廳食晚飯。𨋢口有齊清楚既指示,唔驚蕩失路。 Deck plan

Dinnerbuffet

船上有全天侯收費Wifi供應, 只要Download星夢郵輪Dream Cruises App, 接連Wifi,就可以如常上網。而網絡亦比我預期中穩定同快。 每個收費Wifi Plan可以同時Share比兩部手機用,價錢合理。去到差唔多食完飯,9點左右就開始啟航啦。雖然第一次搭郵輪,但我地幾乎無晃動既感覺,我諗怕暈船浪的朋友大可放心,即使往後兩日出左公海,隻船都好穩定,絕對唔洗食暈浪丸。

食完飯我地周圍行睇下有咩玩,行行下見到前面有部夾錢機,我地玩左幾次碰碰運氣~ Lucky

另一邊見到星夢既賭埸,原來有三層架,樓下仲有表演唱歌添 Casino

Casino2

6樓大堂有工作人員表演,同大家互動玩遊戲。另外附近亦有設置cafe 、 小小便利店等,萬一唔記得帶普通日用品 / 傷風感冒藥 / 零食等都方便隨時買到。我地玩到10點幾決定番房休息,明天早D起身玩盡佢~ Deck6lobby

第二日朝早5:30 起身睇日出,然後開展一整日既活動! Sunshine

世界夢號有三間免費餐廳,其中一間係位於16樓既麗都自助餐廳,座位非常多,而且環海而坐,開揚舒適。但係用餐繁忙時間,人流好多,所以最好早一D黎到, 會比較容 易搵到窗邊座位。我既自助早餐如下 : Breakfast

早餐食物款式眾多, 有中式有西式, 飽點, 點心, 穀物類, 粥品, 茶餅, 水果....而且供應不絕, Refill好快, 小朋友都好岩食! 飲品係自助形式, 咖啡, 奶茶, 果汁, 豆漿, 奶類...都有供應。至於晚餐的食物款式同樣豐富, 中式熱葷, 西式的扒類, 漢堡, 意粉, 還有印度咖喱, 燒味, 即斬脆皮燒肉, 東南亞粉麵等等...選擇十分多,甜品亦係另一個重點,花款好多,真係好飽~ 而且係船上可以無時無刻望住靚靚既移動海景食飯,真係人生一大享受啊~ Buffet

buffetoutsidearea

經過17樓走廊,我地出去到日光甲板同大海陽光打招呼~ Deck17

Deck17b

17樓甲板有除左有海上高空滑索、繩索場、攀岩牆、VR探索館、電子遊樂中心、小小夢想家天地外,仲有户外水上滑梯樂園。 *小小夢想家天地係專為兒童打造既趣味活動及遊戲中心,長期提供各式繽紛娛樂活動&遊戲。活動包括自創卡通片、手工藝術坊、觀賞電影、主題服裝及派對、各式益智遊戲、任天堂遊戲....另外仲可以應要求提供保姆&晚餐服務,不過需要收取額外費用。而小小夢想家天地既員工都受過專業訓練,拎到兒童保育資格,為 2–12 歲兒童開放,場地最多可以容納 40 位兒童並且不收費。于非繁忙航次,小朋友可以係專業看護既監督下,自由參與唔同類型既活動。 Dreamplaygroup

Dreamplaygroup2

開頭以為12月既天氣會好凍,但原來當郵輪駛出公海後,體感氣温大約20度,加上天清氣朗,我地落左泳池游水。所以記得要帶泳衣、拖鞋上船呀! 而甲板上會有一系列豐富有趣既活動比旅客自由參加,例如係專為健康養生為主題: 名家太極工作坊、健康養生講座等活動,陶冶身心既粤劇、有趣既室外游戲,以及夜晚舉行既户外勁歌熱舞disco等。 Deck17e

19和20樓設滑水梯,睇落超刺激,我真係唔敢玩呀~ 鍾意刺激既朋友可以值得一試,幾秒就可以落到底玩完~ swimmingpool

Wow! 海中心的景色美得不能以紙筆形容 ! 特別係陽光燦爛既日子真係好適合坐郵輪出海玩 Deck16b

Slipline2

Slipline

游完水我地曬左陣太陽,入左旁邊既電子遊樂中心打機。之後亂打亂撞入左18樓既棕櫚閣, 透過玻璃窗見到套房(Suite)客人既尊屬泳池 & 甲板,睇落比起普通客人既設施高級好多。經了解後,發現原來套房(Suite)既客人可以享有特別禮遇,例如管家服務、優先上船、享用為套房客人而設既尊屬餐廳、泳池、賭埸等設施。哇 ! 下次上船玩一定要玩盡D book 套房啊 ! IMG 1103

Suitearea2

玩完水已經3點幾啦, 我地去7樓買左芒果糯米飯做tea, 補充體力 PS: 芒果糯米飯係下午 15:30 開始供應, 賣晒就冇架喇, 每買一個芒果送一份糯米飯 (可選擇唔要糯米飯都得) Mango rice

Mangorice2

食完芒果糯米飯,我地去左5樓既水晶生活·東方理療做SPA Dreamspa

DreamSpa2

我地試左招牌水療護理 : 反射按摩,係等待期間仲有新鮮水果食。按完摩就玩熱石座椅同埋水療按摩池,真係超級relax啊~ Album13 Crystal Life Spa 8

夜晚7:30pm 我地簡左8樓既自費餐廳 (海珍舫) 食海鮮,睇下幾豐富! DreamLobster

夜晚既活動比較大型, 所以我地食完晚餐就去睇show~ 今晚有刺激驚險既馬戲團表演 、勁歌熱舞表演、兒童劇場、攪笑既真人show等,岩晒一家大細睇。(記得提早一晚 book定,因為超多人入場架,經星夢apps / 去6樓counter book 都得) 6. Preformance (3)-COLLAGE

睇完show我地決定去位於7樓、賣東南亞快餐既"藍湖美食" 嘆宵夜。原來 11pm 開始每碟宵夜賣港幣5蚊咋,識飲識食既我梗係唔會錯過啦,所以叫左勁多碟宵夜,有炸餃子、扎肉米粉、紅油抄手、煎菜肉包、豆漿........4個人夾埋都唔洗$100 Bluelagoon

第三日既早餐係7樓既免費中菜餐廳享用,呢度樓底高、古色古香、空間寛敞,而且同樣座擁無敵海景。餐廳提供套餐,早餐相當豐富又好味,叉燒包、水晶蝦餃、燒賣、奶黃包、蒸排骨、腸粉、粥.......質素比起一般酒樓過之而無不及。 世界夢號 星夢餐廳-上下層

離船前我地上左甲板影相留念,陽光普照既星期日令人不禁啍出藍藍天空高掛我的夢......今次2晚既Seacation真係好難忘,相信疫情過後一定可以再上郵輪玩既~ 下次希望去歐洲國家玩長D天數既郵輪行程啦~ Deck15

#星夢郵輪
#Dream Cruises
#世界夢號
#World Dream
#啟德郵輪碼頭
#Kai Tak Cruise Terminal
#公海
#seacation

 
金怡假期 - 顧客查詢

你想收到最新優惠信息嗎?
下一位 團費