英國潮什麼之 ‧ 暗黑市集 Part 3

去之前有聽過好多網友話 Camden Market 治安一般，加上有位男仔 friend 上次黎旅行比人偷左電話，所以我地兩個女仔都好小心😣

一出地鐵站，見到唔少乞丐和流浪漢係度行乞，有兩位仲要走過黎我地身邊向我地乞錢🙄

我地兩個女仔快快行左20分鐘去到市集大街，即見到唔少衣著前衛、刺青穿鼻洞既年輕人，而兩側既建築物 & 招牌都非常浮誇、立體，街道滿佈牆畫，極富藝術感且帶點暗黑、搖滾味...🎸📀

Camden Market 由6個小市集組成，每個小市集都好有特色，主要賣電結他，CD💿、搖滾龐克飾品🕶、服飾👞👗、手工藝品、陶瓷餐具、街頭美食🍲🍧🍇、二手貨物📷等，每個角落都充滿驚喜，超適合鍾意挖寶既朋友!

也有懷舊風的...

平日市集都幾多人，

再行入少少，發覺原來尼度仲係前英國騷靈天后Amy Winehouse既故鄉，佢動人既歌聲、獨特既復古造型裝扮、標誌性既窩蜂髮型、誇張濃厚既貓眼妝容....相信係好多人心中仍記憶猶新，所以Camden Market 專設雕像紀念尼位傳奇女歌手。

我地買左幾件衫、香水、配飾、iphone case 同試左好多小食，例如係英國蛋撻、生果、pizza..... 最開心係去左意大利冰淇淋專門店 - Amorino 食花瓣雪糕，超可愛既造型

地址: AMORINO, London - 237 Camden High St, Camden

行左大半日Camden Market, 到下午4點我地搭Tube去左英國市中心幾個出名既地方參觀，另一個熱門打咭點😎，好彩早起身又係夏天咋，否則都去唔晒咁多地方😃去片 🙌

Horse Guards Parade

London Bridge

Tower London

完成左超過12小時既暗黑市集+倫敦建築打咭遊，真係攰到一個點😪😪😪 不過慶幸既係我地行完Camden Market 都「雙」安無事，雖然市集大街同地鐵站附近確實有點 「雜」、而且治安睇落比其他地方差，但唔似網上D人講到咁危險。我諗同我地謹慎都有關，比小小tips大家 :

1. 錢放腰包
2. 少做底頭族(將電話放好)
3. 錢財不可露眼
4. 衣著樸素，唔好帶名牌手袋
5. 留意多D身邊既人
6. 盡量天黑前離開

一連三集既<英國潮什麼>就黎到尼度，估下黎緊我會寫邊度既旅行日誌?