|
其中有條橋比車同人一齊過，又要避車又要過橋，下面係懸崖，當我行到橋中間望落去時，有啲驚驚😰兼腳仔軟！真係・・・深深深！（嘻嘻😜又要驚又要睇👀 好壯觀喔！） 喜歡Shopping 嘅我，就梗係要去古城市集尋吓寶先啦！漫長而曲折嘅小巷，兩旁則是各適其適嘅店舖，呢度有齊日常生活物品、亦有華麗傳統服，又有金銀珠寶💍，睇到我眼花撩亂，買啲咩好呢⋯🤑 城外有兩個羅馬遺跡一定要嚟睇！就係傑米拉 (Djemila) & 提迪斯(Tiddis)，古城內保存有廣場，神廟，教堂，凱旋門，劇場，浴室，司法大廳，市場和民居等。喺我參觀過保存得最好嘅羅馬遺址，唔需要花太多幻想就睇到整個壯觀嘅場面！ 去完城外觀摩再返嚟城內睇吓古時代嘅豪宅示範單位😄。艾哈邁德・貝伊宮殿 (Palais Hadj Ahmed Bey) 喺奧斯曼帝國時期保存最完好嘅遺蹟之一。宮殿以巴洛克摩爾式風格而著稱，建築圍繞三個花園及三個庭院而組成，庭院中有個雕刻精美嘅大理石噴泉，而寓所則通向畫廊。 畫廊圍繞著花園，地板和樓梯台階大部分覆蓋著白色大理石。牆壁以彩色嘅 Zellij馬賽克瓷磚裝飾。雪松木製成嘅天花板以紅❤️️、綠💚、黃💛交替嘅顏色襯托。牆上壁畫，講述伊斯蘭聖地朝聖故事，以及與奧斯曼帝國進行戰鬥嘅秘密。其細節令人讚嘆不已。 嚟到伊斯蘭教嘅國家，唔少得去大清真寺📸打下卡啦！我特登用條紅色頭巾，影出嚟嘅相Sharp✌啲！個人都靚啲喔😘！ 唔好以為北非無好野食喎！我呢個為食😋港女就梗係要試吓當地嘅 Fine Dining啦！呢間係網上Hit🌟爆 「Igherssan 餐廳」，內部裝飾著童話般嘅燈光，有個小魚池 。呢間食Fusion 菜嘅餐廳，融合法國及經典嘅北非風味美食。先嚟個濃濃蕃茄湯配自家制熱辣辣又鬆軟嘅麵包，主菜係燒蝦配地道小米飯、小許沙律菜及小薯塊，跟著再嚟個布丁配朱古力醬係上面點綴一下⋯💯飽晒！😬要抱住個肚腩走。 試完網紅餐廳，再嚟呢間當地古典風餐廳試吓！『Boulefhad 餐廳 」，整間餐廳裝飾帶點伊斯蘭風，卡位嘅間隔及餐桌擺設又帶點歐陸風，先嚟個粟米雞肉小米湯配自家制麵包 (每間餐廳自家製嘅麵包各有特色，配埋個橄欖醬更好味)，主菜燒大魚 (真係要比個 Like👍，條魚燒到外脆內軟，魚皮部分燒到脆卜卜，魚肉又相當Juicy)，條魚🐟大過我塊面喔！甜品方面我就試咗蘋果撻、檸檬批、焦糖蛋糕！喜歡吃甜點就一流啦！💯飽晒！😬又要抱住個肚腩走。 試完 Fusion & 古典風嘅菜，又點可以錯過傳統風呢，據聞呢間餐廳出名「羊」，有自己嘅獨特烹調方法，就梗係要嚟試吓啦！餐廳裝飾好特別，有幅用樹雕刻而成嘅大壁畫，柱都以樹🌲做裝飾！牆上掛咗伊斯蘭教嘅靚女畫象，不過睇唔到個樣⋯ 😜! 先要試吓個橄欖菜沙律！酸酸甜甜帶少少 Creamy，唔小得自家制麵包啦！主菜係燉羊肉配地道嘅小米通粉（超大份😋正），雖然賣相一般，但係估佢唔到咁好味😍！喜歡食羊嘅一定要試吓！再嚟多杯濃郁咖啡☕！嘩⋯飽到呢⋯要即刻嚟個午睡先😴！ 喺呢度又講住咁多先！下站預告★奧蘭，去尋古跡，搵美食，兼睇吓當地嘅靚仔靚女！密切留意喔！ |
